QUEZON CITY – APAT katao kabilang ang isang babae ang nasakote sa buy bust operation ng awtoridad kung saan nakasamsam ang mga ito ng hindi mabatid na dami ng shabu at dalawang baril kahapon ng madaling araw sa lungsod na ito.
Ang apat na nasakote na kasalukuyang nakapiit sa QCPD Police Station 4 ay nakilalang sina Michael Vicedes Meneses, 38; Mariniel Bueno Santos; at alyas Angel at Von Edgar Bandiola Barrientos.
Sa report na nakarating sa tanggapan ni P/Lt. Colonel Rossel Cejas, chief of Police ng QCPD Station 4, naganap ang naturang operasyon dakong 2:330 ng madaling araw sa Susano Road sa lungsod ng Quezon.
Ayon kay Stations Drug Enforcement Unit [SDEU] chief P/Captain Dennis Francisco, ilang araw rin nilang sinubaybayan ay pinag-aralan ang kilos ng apat na suspek at nang matiyak nila na positibo ang mga ito sa ilegal na gawain kaya agad silang nakipag-coordinate sa PDEA.
Agad silang nagsagawa ng operasyon na kung saan ay nagresulta ito ng pagkakasakote sa mga suspek at pagkakasamsam ng mga ebidensiyang magagamit sa kasong isasampa sa mga ito. EVELYN GARCIA
