QUEZON CITY – ARESTADO ng bagong tatag na Integrity Monitoring and Enforcement Group (IMEG) ng PNP ang 4 na pulis dahil sa pagsusugal at pag-inom sa pampublikong lugar.
Base sa ulat, nahuli ang 4 na pulis alas-10 ng gabi sa Baranggay Bagong Lipunan, Cubao, Quezon City.
Kinilala ang mga naaresto na sina: Police Staff Sergeant Erwin Gobis, Police Senior Master Sergeant Demetrio Laroya, Police Corporal Ariel Pasion na mga nakatalaga sa PNP Health Service sa Camp Crame; at Police Staff Sergeant Gerry Ocampo ng PNP Crime Lab.
Dinakip din ang isang non-uniformed personnel na si Leo Ocinar, dating pulis na si Fidel Agustin at isang Teddy Carpio na may-ari ng establisimiyento na nag-o-operate ng online sabong.
Narekober ng IMEG ang mga perang pantaya na nagkakahalaga ng mahigit P14,000, 2 television set na ginagamit sa online gambling, digital video recorder, betting ticket, 2 digital box at 23 bote ng alak.
Nasa kustodiya ngayon ng IMEG ang mga pulis na mahaharap sa paglabag sa PD 1602 at drinking in public place. REA SARMIENTO/VERLIN RUIZ
Related posts:
163K PULIS MAGBABANTAY SA BSK ELECTIONS
800 PULIS PUMOSTE SA SC HALL PARA ISEKYUR ANG MGA RALIYISTA
P6-B PARA SA MGA KOMANDER NG PULIS
HEPE NG PULIS NA MISSING IN ACTION SINIBAK
674 PULIS INASUNTO VS HR VIOLATIONS
PULIS KULONG SA PANUNUTOK NG BOGA SA LOLO
BEBOT KALABOSO SA PANUNUHOL SA PULIS
PULIS-MAKATI UMAYAW SA SUHOL