BULACAN – UMAABOT sa 44 durugista, 29 most wanted person at 8 sugarol ang nalambat ng mga operatiba ng pulisya sa ikalawang araw ng Simultaneus Anti-Criminality Law Enforcement Operation (SACLEO) sa ibat ibang bayan sa lalawigang ito noong Miyerkules.
Base sa report na nakarating kay Bulacan Provincial Director Col. Lawrence Cajipe, isinagawa ang serye ng buy-bust operation sa mga lungsod at bayan ng Angat, Balagtas, Baliwag, Bocaue, Bustos, Calumpit, Guiginto, Hagonoy, Malolos City, Meycauayan City, Obando, Pandi, San Rafael at San Jose del Monte City kung saan 44 durugista ang nasakote.
Nasamsam sa mga drug pusher ang 127 plastic sachets ng shabu, 2 pakete na marijuana, 2 motorsiklo, 1 rifle, 1 alloy pelvets maker air gun, magazine assembly ng cal. 22 rifle,cellphone, buy-bust money at drug paraphernalias.
Samantala, walong sugarol naman ang nalambat sa ikinasang anti-illegal gambling operations sa bayan ng Bulacan at Meycauayan City habang 29 most wanted person na may mga kasong kriminal ang naaresto sa Bocaue, Guiginto, Marilao, Paombong, Pandi, Plaridel, Meycauayan City, Sta. Maria, Baliwag, Bustos, Sta.Maria, San Ildefonso, at San Jose de Monte City. MARIVIC RAGUDOS
Related posts:
(Sugarol, durugista sisipain) DANAO NAGBABALA VS SCALAWAG COPS
14 SUGAROL TIKLO SA ANTI-ILLEGAL GAMBLING
8 ADIK AT 34 SUGAROL ARESTADO NG PNP
59 SUGAROL NASILO SA ANTI-ILLEGAL GAMBLING OPS NG PNP
NO. 1 MOST WANTED PATAY SA ENCOUNTER
MOST WANTED NA KARNAPER NALAMBAT
MOST WANTED SA KASONG RAPE NASAKOTE
MOST WANTED, 6 PA ARESTADO
Comments are closed.