NASAWI ang isang limang taon gulang na batang babae matapos malunod sa swimming pool ng isang resort sa Malabon City, kamakalawa ng gabi.
Hindi na umabot ng buhay sa San Lorenzo Riuz Hospital ang biktimang si Julien Gesmundo, Kinder II at residente ng No. 1 Sebastian St., Herbosa Ext., Tondo Manila.
Lumabas sa imbestigasyon nina PSSg Richard Andrew Calaycay at PSSg Jose Romeo Germinal II, unang nagtungo ang pami-lya ni Jonathan Centeno, 34, tiyuhin ng biktima, kasama ang kanyang pamangkin sa Villa Vicencio Garden Resort na matatagpuan sa No. 103 M. Sioson St., Brgy. Dampalit upang ipagdiwang ang kaarawan ni Jedcel Salangsang.
Gayunpaman, bandang alas-8:00 ng gabi, laking gulat na lamang ng isang customer nang makita sa ilalim ng swimming pool ang katawan ng biktima at agad inahon nito ang katawan ng bata.
Kaagad namang sinubukang i-revive ang biktima sa pamamagitan ng CPR ng isa sa may-ari ng resort na si Carlo Vicencio bago mabilis itong isinugod sa naturang pagamutan, subalit hindi na rin umabot ng buhay. EVELYN GARCIA
Related posts:
NAG-PARTY NA 2 BAGETS DUMIRETSO SA LAMAY
KOTSE NAG-DIVE SA DAGAT SAKAY NA COUPLE NALUNOD
WALANG MAKAIN, BINATA NANGISDA NALUNOD
BINATILYO NALUNOD SA IRRIGATION CANAL
BINATANG KUMUHA NG WILD PLANTS SA GUBAT NALUNOD
MAG-UTOL NA TOTOY NALUNOD SA SAPA
2 BATA, TIYUHIN NALUNOD SA ILOG
LALAKING ITINULAK SA NATURAL HOT SPRING, NALUNOD