5 DRUG COURIERS BAGSAK SA SELDA

CAVITE – REHAS na bakal ang binagsakan ng 5 drug courier na sinasabing nasa drug watchlist billing street level target ang naaresto makaraang makumpiskahan ng P115k halaga ng shabu sa isinagawang drug bust operation sa Barangay Punta 1 at Barangay Paradahan 1 sa bayan ng Tanza, kamakalawa ng gabi.

Nahaharap sa kasong paglabag sa RA 9165 ang mga suspek na sina William Dela Rosa y Salonga, 32; Leonard “Pipoy” Bryan Ararao, 30;  Jaypee Panglinan y Rodi, 33; Richelle Rollan y Tamio, 36; Carlito “Carli” Caswela y Cuayson, 32; at si Mark “Ton-Ton” Delos Santos y Reyes, 28, pawang nakatira sa dalawang nabanggit na barangay.

Sa police report na nakarating sa Camp Pantaleon Garcia, unang isinagawa ang anti-drug operation sa bahagi ng Barangay  Punta 1 kung saan nasakote sina William, Leonard, Jaypee at Richelle kung saan nasamsam ang P800 drug money at 10 plastic sachets ng shabu na may street value na P15k.

Samantala, ang sumunod na anti-drug ope­ration ay sa bahagi ng Barangay Paradahan 1 kung saan nasakote sina Carlito at Mark na nakumpiskahan ng P500 marked money at 11 plastic sachets ng shabu na tumi­timbang ng 50 gramo na nagkakahalaga ng P100k.

Isinailalim na sa drug test at physical examination ang mga suspek na ngayon ay nasa police detention facility habang pina-chemical analysis naman ang nasamsam na shabu bilang ebidensiya sa pagsasampa ng kaukulang kasong kriminal. MHAR BASCO