NASAKOTE ang dalawang hinihinalang tulak ng ilegal na droga sa isinagawang buy bust operation ng mga pulis sa Navotas City, kamakalawa ng gabi.
Kinilala ni Navotas Police Chief P/ Col. Rolando Balasabas ang mga naarestong suspek na si Marlon Dacallos, 34, at Juanito Cajepe alyas “Don-don”, 33, kapuwa residente ng Brgy. NBBS Proper.
Batay sa imbestigasyon ni PSSG Philip Edgar Valera, dakong alas-10:30 ng gabi nang isagawa ng mga operatiba ng Station Drug Enforcement Unit (SDEU) sa pangunguna ni PLT Eric Roxas ang buy bust operation kontra sa mga suspek sa kahabaan ng Sitio Santo, Brgy. NBBS Proper sa koordinasyon sa PDEA.
Nagawang makaiskor sa mga suspek ni PCpl Jeric Delos Reyes na nagpanggap na buyer ng isang sachet ng shabu na nagka-kahalaga ng P300.
Nang magkaabutan na agad nagbigay ng signal ang pulis sa kanyang kasama na si Pat. Bryan Calixto na nagresulta sa pagka-kaaresto sa mga suspek.
Nakumpiska kay Dacallos ang isang cal. 38 revolver, tatlong plastic sachets ng hinihinalang shabu at buy bust money habang narekober naman kay Cajepe ang isang sachet ng hinihinalang shabu. EVELYN GARCIA
Comments are closed.