CAVITE – ARESTADO ang 55-anyos na drug courier na sinasabing high-value target makaraang makumpiskahan ng P353.6k halaga na shabu sa ikinasang anti-drug operation ng mga operatiba ng Drug Enforcement Team sa bahagi ng Barangay Paliparan 3, Dasmariñas City, Cavite kahapon ng madaling araw.
Isinailalim sa tactical interrogation ang suspek na si Alexander “Alex” Sison y Crimen ng Phase 4 Block 168 Lot 26 sa nabanggit na barangay.
Base sa police report na nakarating sa Camp Pantaleon Garcia, pinangunahan ni P/Major Dennis Villanueva ang buy bust operation laban sa suspek kung saan nasamsam ang 52 gramo na shabu na may street value na P353,600.
Narekober din sa suspek ang P2,200 buy bust money na ginamit ni Patrolman Janjan Benitez bilang buyer.
Dinala sa Cavite Provincial Crime Laboratory ang nasamsam na shabu para sa chemical analysis habang pina-drug test at medical examination na ang suspek kung saan nahaharap ito sa kasong paglabag sa RA 9165. MHAR BASCO
Related posts:
RE-ELECTED BRGY. CHAIRMAN DINAKIP SA SHABU
4 HULI SA P3.5-M SHABU
KELOT ARESTADO DAHIL SA GRANADA AT SHABU
GINANG NA NAG-VIRAL SA SOCMED TIMBOG SA BUY BUST
P7-M HALAGA NG SHABU NAKUMPISKA SA BUY BUST
TAIWANESE TIMBOG SA BUY BUST, HIGIT P20-M SHABU NAKUMPISKA
14 SACHET NG SHABU NAREKOBER SA 2 DRUG PERSONALITIES
P6-MILLION SHABU NASAMSAM SA DRUG OPS
Comments are closed.