6 ARESTADO SA P25K MARIJUANA

NAVOTAS CITY – NAKUMPISKA ng mga awtoridad ang P25,000 halaga ng marijuana sa anim na hinihina­lang drug personalities kabilang ang dalawang menor kahapon ng madaling araw.

Kinilala ni Navotas Police Chief P/Col. Rolando Balasabas ang mga naarestong suspek na si Jerick Bautista, 24, Jeffrey Flores, 18, Eduardo Sumo, 36, Jonar Capili, 29 at dalawang binatilyo na edad 15 at 13-anyos, pawang ng Brgy. Tangos North.

Ayon kay P/Col. Balasabas, dakong alas-4:30 ng madaling araw, nagsasagawa ng anti-criminality/surveillance sa ilegal na droga ang mga operatiba ng Station Drug Enforcement Unit (SDEU) sa pangunguna ni P/LT. Eric Roxas sa kahabaan ng B. Cruz St. Brgy. Tangos North nang mapansin ang isa sa mga suspek na may hawak na sachet ng pinatuyong dahon ng marijuana.

Nilapitan ng mga ope­ratiba ang mga suspek saka inaresto at nakum­piska sa mga ito ang 25 pirasong plastic sachets na naglalaman ng pinatuyong dahon ng marijuana na nasa 25 gramo at tinatayang umaabot sa P25,000 street value ang halaga.

Inaalam na ng pulisya kung saan kinukuha ng mga suspek ang naturang ilegal na mga droga. EVELYN GARCIA