ANIM na college students ang sugatan matapos salpukin ng rumaragasang kotse na minamaneho ng isang Nigerian national at binangga rin nito ang isang nakaparadang motorsiklo noong Huwebes ng umaga.
Lima sa biktima ay isinugod sa Perpetual Help Medical Center sanhi ng mga tinamong sugat sa iba’t ibang bahagi ng katawan na kinilalang sina Michelle Diaz; Mae Zosimo; Warren Malanan; John Christian Martine at Rizza Enriquez, kapwa 1st year college students sa Dr. Felimon Aguilar Industrial Technology at naninirahan sa Barangay CAA, Las Piñas City. Isa sa biktima na hindi pa nakikilala ay isinugod sa Las Piñas Doctor’s Hospital.
Kasalukuyang nakakulong sa Las Piñas City Traffic Bureau ang driver na si Jeorge 0uli, 41-anyos, na nahaharap sa kasong reckless imprudence resulting in multiple physical injuries at damage to property.
Sa report na natanggap ng Las Piñas City Police, dakong alas-11:00 ng umaga nang maganap ang insidente sa panulukan ng Dhalia at Everlasting Sts., Dona Manuela Subdivision, Barangay Pamplona Tres, Las Piñas City. Nabatid na ang mga biktima ay masayang naglalalakad sa naturang lugar nang biglang humarurot ang isang Honda Civic na may plakang URC-518 at minamaneho ng nasabing dayuhan.
Hindi umano nakontrol ng suspek ang preno ng kanyang sasakyan hanggang sa mahagip nito ang anim na estudyante at bukod pa sa sinalpok nitong nakaparadang Honda motorcycle na may no. 1301-0644033 na pag-aari ni Jurjen Michael Belarmino. MARIVIC FERNANDEZ
Related posts:
ESTUDYANTENG TUMALON SA GUSALI NASAWI
60K NA ESTUDYANTE SA PASAY HANDA NA SA SCHOOL OPENING
5,961 STUDES BIBIGYAN NG CASH AID NG PASAY CITY
25K ESTUDYANTE WELCOME SA MAYNILA
P9M TF NI YORME BINILI NG TABLETS PARA SA MAHIHIRAP NA ESTUDYANTE
(Nakaka-istorbo sa online classes) VIDEOKE BAN SA NAVOTAS
24K TABLETS PARA SA STUDES NG VALENZUELA
ESTUDYANTE, 2 PA TIMBOG SA BUY BUST
Comments are closed.