7 DRUG COURIER ARESTADO SA P34K SHABU

CAVITE – PITONG drug courier na pangunahing nagpapakalat ng droga sa nasabing barangay ang naaresto ng mga awtoridad sa anti-drug operation sa bahagi ng Barangay San Nicolas 2, Bacoor City.

Nahaharap sa kasong paglabag sa RA 9165 ang mga suspek na sina Darryl “Kaye” Tabilon y Arevalo, 26; Florencio Paminiano y Abadilla Jr. 24; kapwa nakatira sa Brgy. San Nicolas, Bacoor City; Cesar Junarico Anate y Masuela, 19, ng Brgy. San Nicolas 3; Marlon “Tangkad” Lacson y Ferrer, 38; Rose Marie “Neneng” Soliman y Rubio, 31, ng Brgy. Ligas 3; Federico “Tata” Andote y Bayhon Jr., 25, ng Brgy. Molino 3; at si Albert Ejorcadas y Cawasa, 32, ng BF Resort Village, Las Piñas City.

Base sa police report na naisumite sa Camp Pantaleon Garcia, nasamsam sa mga suspek ang 21 plastic sachets na shabu na may street value na P34K, drug paraphernalia at marked money na ginamit ng pulisya at PDEA 4A sa drug operation.

Nasa police station ang mga suspek para sa tactical interrogation at drug testing examination habang ang nakumpiskang 21 plastic sachets na shabu ay isasailalim sa chemical analysis sa PNP Crime Labora-tory Office sa Imus City para gamiting ebidensya sa pagsasampa ng kaukulang kaso.  MHAR BASCO