WALONG booths para sa COVID-19 testing ang itinayo sa Multi-Purpose Center sa loob ng Camp Crame sa Quezon City.
Ayon kay Lt. Gen. Camilo Pancratius Cascolan, PNP Deputy Chief for Administration at chairman ng bagong tatag na Admin Support to COVID-19 Operations Task Force (ASCOTF), ipinag-utos ni PNP Chief, Gen. Archie Francisco Gamboa ang pagtitirik ng walong booth sa MPC.
Layunin nitong maagapan ang mga pulis na apektado ng coronavirus disease (COVID-19).
Ngayong araw, Abril 6, ay inaasahang sisimulan ang COVID-19 testing para sa mga pulis.
Bukod sa mga booth, napipisil din ng PNP-ASCOTF na gawing quarantine area ang multi-parking area sa harapan ng grandstand.
Ang first floor ay itatalaga sa mga pulis na person under monitoring (PUM), ang second floor ay para sa mild person under investigation (PUI) habang ang third floor ay para sa ‘less severe’ person under investigation (PUI).
Sa pinakahuling ulat, batay sa kumpirmasyon ni PNP Spokesman, BGen. Bernard Banac, umabot na sa 14 pulis ang positibo sa coronavirus disease, 237 ang nagpakita ng sintomas o PUI at 1,620 ang PUM. PILIPINO MIRROR REPORTORIAL TEAM
Related posts:
(Biggest single day increase, 18 gumaling) 82 BAGONG KASO NG COVID-19 SA PHL
UP-PGH HANDANG MAG-ING COVID REFERRAL HOSPITAL
(Magandang balita ng DOH: 2 pang positibo nakarekober) 28 PASYENTE GUMALING SA COVID-19
(414 panibagong kaso, 11 pa iginupo) 9 COVID-19 PATIENTS GUMALING
(Mula sa iba’t ibang bansa) 133 PINOY NAKAREKOBER SA CORONAVIRUS
516 PASYENTE NA NG COVID-19 NAISALBA NG DOKTOR
(Mga nailigtas mas tumaas kaysa sa iginupo) 56 BAGONG PASYENTE NAKAREKOBER SA COVID-19
33 AFP PERSONNEL POSITIBO SA COVID-19
Comments are closed.