CAVITE – NAGDESISYON na ang pamunuan ng Philippine National Academy (PNPA) na tanggalin sa akademya ang siyam na kadeteng umano’y direktang sangkot sa pambubugbog sa kanilang anim na seniors noong Marso.
Paglilinaw naman ni PNPA Director, Chief Supt. Joseph Adnol, nagbigay sila ng sampung araw o hanggang ngayong araw, Agosto 22, para makapaghain ng motion for reconsideration ang mga kadeteng nasangkot sa pambubugbog matapos na ilabas nila ang desisyon noong Agosto 10.
Pag-aaralan, aniya, ng PNPA ang isusumiteng MR na maaaring makapagbago ng kanilang desisyon ngunit kung makikita na wala silang matibay na dahilan ay tuluyan nang ipapataw ang mga inilabas na desisyon.
Sa desisyon ng PNPA, siyam na kadete ang matatanggal sa akademya, dalawa ay suspendido, dalawa ay na- acquit at 31 ay demerits.
Matatandaang nangyari ang kontrobersiyal na pambubugbog sa anim nilang seniors pagkatapos ng PNPA graduation noong Marso kung saan nagtamo ng head injuries ang biktima na ngayon ay graduate na ng PNPA. REA SARMIENTO
Related posts:
BUTANGERONG CADETS NANGANGANIB MASIPA SA PNPA
3 PNPA CADETS POSIBLENG MASIBAK
AWARDEE NG PNPA CLASS 2019 ISINAPUBLIKO NA
BABAENG KADETE SA PNPA ANGAT SA PARANGAL
PAGMAMAHAL SA PAMILYA, GF ANG LAKAS NG PNPA TOPNOTCHER
PNPA CADET, 4 PA NAG-COLLAPSE SA TINDI NG INIT
PNPA HAWAK NA NG PNP
PANIBAGONG HAZING INCIDENT SA PNPA NAITALA
Comments are closed.