IPINAUUBAYA na ni Pangulong Rodrigo Duterte sa Commission on Elections (Comelec) ang pagpapaliwanag sa mga nangyaring aberya sa vote-counting machines (VCMs) sa halalan kahapon.
Sa press briefing matapos bumoto sa Davao City ay sinabi ni Pangulong Duterte na hayaan munang magpaliwanag ang Comelec bago mag-sagawa ng imbestigasyon.
Ayon sa Pangulo, iginagalang niya ang pagiging independent commission ng Comelec.
Naniniwala rin ang Pangulo na walang major incident o kaguluhan para madiskaril ang eleksiyon sa bansa.
Sinabi nitong balak niyang puntahan ang Lanao del Sur pero pinayuhan siyang huwag ituloy dahil tiyak na dudumugin siya ng mga politiko roon at mapagkamalan pang may ikinakampanyang kandidato kung kailan bawal na ang mangampanya.
Tiniyak ng Pangulo na kontrolado ng security personnel ang sitwasyon sa Lanao, Cotabato, Sulu at Maguindanao kung saan may naganap na mga pagsabog. VERLIN RUIZ
Related posts:
PANAWAGAN NI FR. ROSAROSO: MAGBANTAY SA PLEBESITO AT HALALAN
1.1-M PUWERSA NG AFP, PNP AT COMELEC DINEPLOY NA
(Ngayong tapos na ang halalan) PAGKAKAISA, PANAWAGAN NG OBISPO
(Pagtitiyak ng PPCRV) WALANG DAYAAN SA HALALAN
REPORMA SA HALALAN TATALAKAYIN SA SENADO
PAGPAPALIBAN SA HALALAN HINDI MAGANDANG SENYALES
POSTPONEMENT NG HALALAN ‘DI KAILANGAN-COMELEC
MAHALAGANG PAPEL, GAGAMPANAN NG CSOs SA HALALAN (Mga pasyenteng may Covid-19 makaboboto)
Comments are closed.