LAS PIÑAS CITY – ISANG dalagang abogada na umano’y naghihintay sa kanyang kakatagpuin na text mate ang pinatay sa saksak ng hindi pa nakikilalang suspek kahapon ng madaling araw.
Kinilala ito na si Atty. Charmaine Mejia, 31, ng Brgy. New Zaniga, Mandaluyong City.
Si Mejia ay namatay habang ginagamot sa Las Piñas Medical Center.
Lumalabas sa report na natanggap ng hepe ng Las Piñas City Police na si Sr. Supt. Simnar Gran, ang insidente ay naganap dakong alas-3:30 ng madaling araw sa harapan ng FDJ Appartel sa Marcos Alvarez Avenue, Brgy. Talon 5 ng naturang siyudad.
Nabatid na may katatagpuin sana ang biktima sa naturang lugar subalit hindi nito akalain na ang naghihintay pala sa kanya ay ang isang hindi kilalang lalaki at pagbaba pa lamang nito ng kanyang Nissan Sedan ay kaagad umano itong pinagsasaksak ng suspek.
Pagkatapos nang pananaksak ay mabilis na tumakas ang suspek sakay ng isang kulay pulang motorsiklo na walang plaka.
Nakatawag pa ang biktima sa cellphone ng kanyang kapatid na isa ring abogada at sinabi nito na sinaksak siya. MARIVIC FERNANDEZ
Related posts:
ESTUDYANTE MALUBHA SA PANANAKSAK
BINATA SINAKSAK NG KALUGAR, KRITIKAL
BINATA TINARAKAN NG KAINUMAN
ESTUDYANTE SINAKSAK NG LASING, KRITIKAL
PULIS SINAKSAK NG TARI NG INARESTONG SABUNGERO
(Makaraan ang pagtatalo) PEDICAB DRIVER SINAKSAK SA LIKURAN NG HELPER
DRIVER SINAKSAK DAHIL SA MASAMANG TITIG
GRADE 11 SINAKSAK NG LOLO
Comments are closed.