TINIYAK ng National Telecommunications Commission (NTC) na mabibigyan ng provisional authority ang ABS-CBN para magtuloy-tuloy ang operasyon ng giant network.
Sinabi ni NTC Commissoner Gamaliel Cordoba sa meeting ng House Committee on Legislative Franchises kaugnay sa 11 franchise bills ng ABS-CBN, posibleng mabigyan nila ng provisional authority ang broadcast network para makapag-ere pa rin habang dinidinig naman ang kanilang franchise renewal.
Ayon kay Cordoba, susunod sila sa latest advise ng Department of Justice na bigyan ng provisional authority ang ABS-CBN bago mapaso ang kanilang prangkisa.
Tumanggi naman si Cordoba na talakayin ang ilang legal matters dahil sa umiiral na sub-judice rule bunsod ng nakatakdang pagtalakay naman ng Korte Suprema sa quo warranto petition na inihain ng Office of the Solicitor General kaugnay sa franchise renewal dahil umano sa ilang mga nalabag ng network.
Iginiit din ng NTC na magkakaroon ng legal basis ang pag-iisyu nila ng provisional authority kung maglalabas ng concurrent resolution para rito ang Kamara. CONDE BATAC
Related posts:
OPERASYON NG ABS-CBN MAGPAPATULOY
HOUSE HEARING SA ABS-CBN ISASANTABI MUNA
PRO AT ANTI ABS-CBN IDULOG SA HOUSE PANEL
PAGTALAKAY SA PRANGKISA NG ABS-CBN SISIMULAN NA
(Para mapalawig ang prangkisa ng ABS-CBN) KONGRESO HINAMONG GUMAWA NG BATAS
ABS-CBN NAG-SORRY KAY DUTERTE
POE: ILABAS ANG KATOTOHANAN
DUTERTE TINANGGAP NA ANG ‘SORRY’ NG ABS-CBN
Comments are closed.