ALDEN RICHARDS ‘DI MAWAWALA SA SUNDAY SHOW

NAG-PICTORIAL na si Alden Richards para sa bagong musical variety show ng GMA Network, ang “All Out on Sunday.”  Ito ang papalit sa “Sunday PinaSaya” na magtatapos na ang airing sa December 29. Apat na taon din silang nagpasaya sa mga televiewers tuwing Linggo, 12:00 noon to 2:30 p.m.

Kaya inihayag ni Alden ang lubos niyang pasasalamat sa apat na taong naging bahagi siya ng Sunday musical variety noontime show. Isa si Alden sa mga hosts ng show na pinangunahan nila nina Ai Ai delas Alas, Marian Rivera, Jose Manalo, Wally Bayola, Julie Anne San Jose, kasama ng iba pang Kapuso stars.  Produced ito ng APT Entertainment for GMA Network.  Nagsi­mula ito nang mabuo ang AlDub o ang love team nina Alden Richards at Maine Mendoza in 2015, at madalas mag-guest doon si Maine.

“It’s been a good run for “Sunday PinaSaya (SPS)” na pinasaya ang ating mga Linggo,” sabi ni Alden. “SPS changed the whole idea of a Sunday show para sa ating mga televiewers.  Dahil diyan labis ang pasasalamat natin sa APT Entertainment at sa GMA Network para magpakita tayo ng new concept sa show.

“Salamat din na na­ging supportive ang masa natin sa comedy concept ng SPS dahil nasanay na ang mga manonood sa mga musical variety shows tuwing weekend.  Sabi nga, suntok sa buwan ang pagbuo ng bagong concept.  Hindi lamang pala basta sayaw at kanta ang gusto nila.  Gus-to rin pala ng mga viewers ang comedy, habang may performance.”

Kahapon Sunday, December 22  at sa December 29, ay pre-taped na ang show.

Nabanggit na rin ni Alden na patuloy pa rin ang saya tuwing Linggo, ngayon naman ay sa panibagong programa na “All Out Sunday,” na magpapatuloy ng legacy na si­nimulan ng “Sunday PinaSaya.”

Balitang papasok sa bagong show ang mga nanalo sa katatapos na dalawang season ng “The Clash.”  Kaya expect a big production number sa opening nila sa January 5, 2020.

Kagabi naman, December 22, umalis si Alden kasama ang Daddy Bae niya at mga sisters na sina Riza at Angel for their South Korea Christmas vacation. Medyo malungkot din si Alden dahil ngayon lamang nila hindi nakasama ang Lolo Danny at Lola Linda niya sa Christmas vacation dahil napakalamig na sa South Korea at baka raw hindi kayahin ng mag-asawa ang lamig doon.

TOM RODRIGUEZ AT CARLA ABELLANA INAABANGAN NA SA TELEBISYON

TODO-ABANG na ang mga fans ng real sweethearts na sina Carla Abellana at Tom Rodriguez sa muli nilang pagtatambal sa family drama series nilang “Love of My Life.” Matagal-tagal na rin kasing walang te­leserye si Carla at kung meron man si Tom, hindi naman si Carla ang katambal niya.  Isa ang kanilang serye sa pasabog ng GMA Network sa pagpasok ng 70th anniversary nila sa 2020.  Makakasama nina Tom at Carla sina Rhian Ramos, Mikael Daez at si Ms. Coney Reyes.

Kaya magkasama munang magsi-celebrate sina Tom at Carla ng Christmas together with their family.  Sa US muna sila pupunta para makasama ang family ni Tom at sa Bali, Indonesia naman sila pupunta kasama ang family ni Carla.

Pagbalik nila after the Holiday Seasons, sabak na sila sa taping ng serye.