ALJUR MAGIGING MASAYA KAHIT MARAMING PROBLEMA

SA kabila ng mga kinakaharap na problema, kasama ang pakikipaghiwalay sa asawang si Kylie Padilla, nais pa rin ni Aljur Abrenica na maging maligaya.

“Choice mo naman kung magiging masaya ka,” ani Aljur.

Matatandaang early July, kinumpirma ni Kylie ang kanilang hiwalayan. Hindi sila pareho nag-elaborate kung ano ang totoong dahilan ng kanilang hiwalayan, pero para kay Aljur, pamilya pa rin ang kanyang prio­rity. At para raw sa pamilya niya, lalo na para sa kanyang mga anak na sina Alas Joaquin at Axl Romeo, pipiliin niyang maging masaya.

Hindi naman matumal ang career ni Aljur dahil kahit pandemic, may pelikula pa rin siya, ang “Nerisa,” kung saan ginagampanan niya ang papel ni Obet, isang ma­ngingisdang nagligtas kay Nerissa (Cindy Miranda), na siya namang sinisi sa lahat ng nangyaring kamalasan sa isla. Sa direksyon ni Law Fajardo, kinailangan ni Aljur ang diving lessons. Very professional naman umano ang kanyang mga kasama sa pelikula lalong-lalo na si Cindy kaya kahit mahirap ang mga scenes ay nag-enjoy sila sa shooting.

Sa nasabing pelikula, walang pakialam si Aljur kung malantad man ang kanyang katawan basta hinihingi ng istorya.

Samantala, itinanggi ni Cindy na siya ang third party sa break-up nina Aljur at Kylie. Inakusahan kasi ng mga netizens ang dating beauty queen na kabit umano ni Aljur. Hindi raw porke magkasama sila sa pelikula ay may kinalaman na siya sa hiwalayan ng dalawa. Personal na problema umano ito nina Aljur at Kylie at wala siyang kinalaman dito. KAYE NEBRE MARTIN

Related posts:

KYLIE PADILLA DEDMA SA PAGDI-DATE NI ALJUR ABRENICA ROLLER COASTER ISYU: KYLIE PADILLA UNA RAW NAG-CHEAT KAY ALJUR ABRENICA, JM DE GUZMAN 3RD PARTY (AJ RAVAL SUPORTADO SI ALJUR) AJ RAVAL DI NA SASAWSAW KINA ALJUR AT KYLIE DAHIL INASAR NG NETIZENS KYLIE PADILLA DAGSA ANG MANLILIGAW Valentine date ni Aljur Abrenica si AJ Raval BEA ALONZO, 34 & PROUD IVANA ALAWI, PINAG-AAGAWAN SANYA LOPEZ IKINAMPANYA SI GABBY CONCEPCION