KASABAY sa implementasyon ikalawang yugto ng Modified Enhanced Community Quarantine sa Metro Manila at karatig lalawigan, inihayag ni Joint Task Force COVID Shield Commander Lt. Gen. Guillermo Eleazar na papayagan nila ang magka-angkas sa motorsiklo na bumiyahe pero para lamang sa mga frontliner at essential worker.
Ito ay makaraang aprubahan ng National Task Force Against COVID-19 na pinamumunuan ni Defense Secretary Delfin na alisin ang ilang restrictions para sa back-riding para matugunan ang kakulangan ng masasakayan matapos na ipagbawal ang public transportation sa ilalim ng MECQ.
“Meron kasi tayong mga medical frontliner at mga APOR na wala namang motorsiklo o hindi marunong mag-motor. So naiintindihan naman ng ating National Task Force sa pamumuno ni Secretary for National Defense Delfin Lorenzana ang mga ganitong sitwasyon kaya pinayagan ang mga driver ng motorsiklo na lumabas para ihatid at sunduin ang kanilang mga kamag-anak o kaibigan na medical frontliners, essential workers at iba pang mga kababayan natin na APOR,”ani PLt. Gen. Eleazar.
Ayon kay Eleazar, ito ang bagong guidelines ng national task force na inilabas nitong Lunes na sinang-ayunan din ni Interior and Local Government Secretary Eduardo Ano.
“Pag tayo ay lalabas, dapat tayo ay essential worker o tinatawag nating APOR (Authorized Person Outside of Residence). ‘Di na nating kailangan pa ang quarantine pass kasi basic ID, certificate of employment, ‘yun lang po ‘yun at puwede na kayong mag-cross sa lahat ng borders provided na work-related ang travel n’yo,” paliwanag niya.
Gayundin, tiniyak nito na malayang makabibiyahe pa rin ang mga cargo na may bitbit na essential goods sa mga boundary.
“Suspended ang movement ng ating locally stranded individuals pero pag talagang emergency, puwede po yun pero sa ngayon ang ginagawa namin mag-apply ng travel authority, iche-check naman natin kung talagang may basehan pero ‘yung maglilipat ng bahay o gamit, kung ‘di naman emergency ‘yun po ay puwedeng ipagpaliban,” ani Eleazar. VERLIN RUIZ
Related posts:
FRONTLINERS PUWEDENG MAG-STAY SA SIMBAHAN -CBCP
GULAY HANDOG NG MGA SUNDALO SA FRONTLINERS
5K HEALTH WORKERS, FRONTLINERS NASERBISYUHAN SA FREE RIDE NG PNP
LADY FRONTLINER TINAMBANGAN
(Kikilalanin ngayong Araw ng Kagitingan) FRONTLINERS MAKABAGONG BAYANI
(Mga bully at mananakit sa frontliners dadakipin) INTEL IKINALAT PARA PROTEKSIYONAN ANG HEALTH WORKERS
(PNP chief nag-ikot sa quarantine control points) MORALE NG FRONTLINER COPS ITINAAS NI GAMBOA
(Selebrasyon pangkalahatang mapayapa) FRONTLINER COPS KINILALA SA IKA-122 TAONG ARAW NG KALAYAAN
Comments are closed.