HINIHIKAYAT ni Deputy Speaker at Basilan Rep. Mujiv Hataman ang pamahalaan na palakasin pa ang anti-terrorism campaign sa bansa.
Kasunod ito ng pagsalakay ng mga miyembro ng Bangsamoro Islamic Freedom Fighters (BIFF) sa Datu Piang, Maguindanao kung saan agad namang nakaresponde rito ang mga militar.
Ayon kay Hataman, malinaw na panalo sa panig ng gobyerno ang nangyari dahil agad nakontrol ang sitwasyon pero hindi lamang dapat doon matapos ang hakbang ng pamahalaan.
Umapela ang kongresista sa gobyerno at sa Armed Forces of the Philippines (AFP) na pag-ibayuhin pa ang pagkalap ng mahalagang impormasyon at intelligence gathering upang mapigilan ang mga posibleng plano ng mga teroristang grupo sa hinaharap.
Hinikayat din ni Hataman ang pamahalaan na isama sa laban kontra sa terorismo ang rehabilitation at reformation sa mga militante na nagnanais na sumuko sa gobyerno at mamuhay ng payapa.
Kaugnay dito ay pinamamadali na rin ng kongresista ang panukala na inihain noong nakaraang taon kasama si Anak Mindanao Rep. Amihilda Sangcopan na House Bill 4585 na layong bumuo ng mga programa para mapigilan ang paglaganap ng violent extremism sa bansa.
Pinuri ni Hataman ang mga militar at pulis sa maagap na pag-aksiyon para ma-contain ang sitwasyon bago pa ito lumala. CONDE BATAC
Related posts:
CAMPAIGN PINAIIWAS SA MASISIKIP NA LUGAR
PAGKONTROL SA ‘SOCIAL MEDIA’ HINDI PASOK SA ANTI-TERRORISM ACT
POLITICAL ADS SA SOCIAL MEDIA BAHAGI NG CAMPAIGN EXPENSES
(Bilang campaign expenses) POL ADS SA SOC MED PINAG-AARALAN PA NG COMELEC
2 SUSPEK SA PANGHIHINGI NG CAMPAIGN DONATION ARESTADO
CAMPAIGN PERIOD ARANGKADA NA!
DILG SA MGA KANDIDATO: MAGING MODELO SA PAGSUNOD SA CAMPAIGN RULES
PARUSA SA MAGKAKABIT NG CAMPAIGN MATERIALS SA MGA POSTE
Comments are closed.