(Apektado sa MECQ) 1M DINE-IN SERVICE WORKERS

NASA isang milyong dine-in service workers ang apektado sa umiiral na modified enhanced community quarantine (MECQ) sa Metro Manila at mga karatig-lalawigan , ayon kay Trade Secretary Ramon Lopez.

Bukod dito, sinabi ni Lopez na may 200,000 trabaho rin ang nawala sa personal care services.

Sa ilalim ng MECQ ay ipinagbabawal pa rin ang dine-in at personal care services.

Ginawa ni Lopez ang pahayag kasunod ng pagpapalawig sa MECQ sa Metro Manila hanggang September 7.

Mananatili rin ang MECQ sa mga lalawigan ng Apayao, Ilocos Norte, Bulacan, Bataan, Cavite, Rizal, Laguna, at Lucena City.

Pinapayagan naman ang non-essential retail trade establishments tulad ng clothing and accessories, jewelry, flower, novelty, antique, perfume shops, toy stores, music stores, art galleries, at firearms and ammunition stores sa 50% venue capacity sa ilalim ng MECQ.

Ang manufacturing activities — electrical machinery, wood products and furniture, textiles, paper products, rubber and plastic products, refined petroleum products, electrical equipment, motor vehicles at  transport equipment — na hindi pinapayagan sa ilalim ng enhanced community quarantine (ECQ) ay maaaring mag-operate sa 50% capacity sa ­ilalim ng MECQ.

Related posts:

(Ipinalalaan ng DOLE sa DBM) P2-B ECQ AYUDA SA WORKERS (Sa ECQ, MECQ areas) SUPPLY NG ISDA SAPAT (Habang umiiral ang MECQ) WALANG PUTULAN NG TUBIG (Pinalawig ng BIR sa ECQ, MECQ areas) TAX FILING, PAYMENT  DEADLINE (Tuloy habang naka-MECQ) LIBRENG SAKAY SA APORS NA BAKUNADO (Sa MECQ areas) PAGPUTOL NG KORYENTE SUSPENDIDO (Mananatili sa MECQ) 50% CAPACITY SA MGA BUS, JEEPNEY (Simula sa Disyembre 1) MANDATORY VAX SA ON-SITE WORKERS