HUMILING ang United Broiler Raisers Association (UBRA) ng diyalogo kay Presidente Ferdinand ‘Bongbong’ Marcos Jr., na siya ring kalihim ng Department of Agriculture (DA), upang iparating ang kanilang mga suliranin at rekomendasyon para sa local poultry industry.
Sa isang panayam sa Dobol B TV noong Sabado, sinabi ni UBRA chairman Gregorio San Diego, na pinamumunuan din ang Philippine Egg Board Association, na nagbawas ng produksiyon ang local poultry sector dahil sa pagbaha ng chicken imports, na sinasabing magpapababa sa presyo ng manok.
Ayon kay San Diego, ang pagdagsa ng imports ang pumigil sa local producers na sa huli ay nakaapekto sa local supply.
Aminado naman si San Diego na hindi maaaring tuluyang itigil ang importasyon dahil sa mababang suplay.
“Ang sitwasyon kasi natin ngayon hindi naman natin kara-karaka itigil, kasi umatras ang local production ngayon eh,” aniya.
Ayon pa kay San Diego, irerekomenda nila sa Pangulo na i-recalibrate ang pag-angkat.
“‘Yung importasyon a little lower sa kailangan para ma-incentivize ang local production. Bawasan nang kaunti at magdagdag paunti-unti ang local production,” dagdag pa niya.
Related posts:
CHICKEN IMPORTS SA BRAZIL BAWAL MUNA, PRECAUTIONARY MEASURE VS COVID-19
TRANSPO PARA SA HEALTH WORKERS HINILING
GO UMAPELA SA DOF, BIR NA PALAWIGIN ANG TAX DEADLINE SA GITNA NG COVID-19 CRISIS
LOTTO, KENO IBA PANG LARO NG PCSO SUSPENDIDO
BAHAGI NG 2021 IRA HINILING NA IBIGAY NA SA LGUs PARA DAGDAG- PONDO VS COVID-19
SALCEDA: DAPAT MAY ‘SPECIAL VIRTUAL SESSION’ ANG KONGRESO PARA MATUGUNAN ANG COVID-19
SASAKYANG PANG-DELIVER NG PAGKAIN PINALALAGYAN NG LOGO
NFA RICE, DSWD FOOD PACKS IPAMAHAGI NA – SEN. BINAY