HINIKAYAT ni Ako Bicol Partylist Rep. Alfredo Garbin ang Energy Regulatory Commission (ERC) at National Electrification Ad ministration (NEA) na huwag munang magpatupad ng service dis connection hanggang sa Enero 31, 2021.
Kasabay nito ay umapela si Garbin sa Inter-Agency Task Force (IATF) na atasan ang ERC at NEA na magpatupad ng ‘no disconnection’ hanggang sa katapusan ng Enero ng susunod na taon upang matulungan ang micro-small and medium enterprises (MSMEs) na hirap pa ring makabawi dahil sa pandemya.
Sa halip na putulan ng serbisyo ang mga hindi makakabayad ay inirekomenda ng kongresista na palawigin ang installment payment sa koryente hanggang sa Enero 31 o sa mga susunod na buwan.
Pinakikilos din ng mambabatas ang ERC at NEA na magsagawa ng motu proprio investigation patungkol sa patong-patong na reklamo sa electricity bills, mataas na bayarin, disconnection notices, at power supply interruptions.
Hinimok din ni Garbin ang mga ahensiya na patawan ng parusa ang mga electricity distributor na mananamantala sa kanilang mga serbisyo at polisiya. CONDE BATAC
Related posts:
(Inirekomenda ng ERC sa susunod na administrasyon) PAGGAMIT NG NUCLEAR ENERGY
PANAWAGAN SA NEA: PAGPAPAILAW SA BARMM PONDOHAN
ERC DUMIIN PARA SA MORE POWER
TRANSPO PARA SA HEALTH WORKERS HINILING
GO UMAPELA SA DOF, BIR NA PALAWIGIN ANG TAX DEADLINE SA GITNA NG COVID-19 CRISIS
LOTTO, KENO IBA PANG LARO NG PCSO SUSPENDIDO
BAHAGI NG 2021 IRA HINILING NA IBIGAY NA SA LGUs PARA DAGDAG- PONDO VS COVID-19
SALCEDA: DAPAT MAY ‘SPECIAL VIRTUAL SESSION’ ANG KONGRESO PARA MATUGUNAN ANG COVID-19
Comments are closed.