(Apela sa gov’t, employers) PAGBAKUNA SA WORKERS MADALIIN

HINILING  ni TUCP Partylist Rep. Raymond Democrito Mendoza sa pamahalaan at mga business owner na madaliin ang pagbabakuna sa mga manggagawa.

Ang panawagan ng kongresista ay kasunod ng pag-akyat ng mga essential workers sa A4 category ng priority list mula sa B5 kung saan kasama rin dito ang mga OFW at  seafarer.

Punto ng mambabatas, higit na mas matatag na proteksiyon laban sa CO­VID-19 ang bakuna kumpara sa mga ayuda.

Kung lahat, aniya, ng empleyado ay mababakunahan ay tiyak ang agad na pagbabalik operasyon ng mga kompanyang nagsara at pagbabalik trabaho ng mga manggagawa na natigil sa hanapbuhay ngayong pandemya.

Iginiit pa ni Mendoza na sa pamamagitan ng mabilis na vaccination rollout sa mga worker ay maililigtas hindi lamang ang mga manggagawa kundi pati ang kanilang trabaho at pamilya.

Bukod dito ay mabubuksan na ulit ang ekonomiya ng bansa.

Samantala, positibo rin ang tugon ng mambabatas sa pag-classify ng Employees’ Compensation Commission sa COVID-19 bilang compensable disease. CONDE BATAC

Related posts:

(Simula sa Disyembre 1) MANDATORY VAX SA ON-SITE WORKERS BAKUNA PARA SA FILIPINAS KAILANGANG MADALIIN PAGPAPABILIS SA PAGDATING NG BAKUNA MAGAWAN SANA NG PARAAN (Para mapabilis ang pagbili ng COVID-19 vaccines) $700-M UUTANGIN NG PINAS COVID-19 VACCINATION PROGRAM  BILL  LUSOT NA SA SENADO! MATINDING PAG-IINGAT KONTRA COVID-19  KAILANGAN PA RIN (DOLE nagpalabas ng guidelines) FREE COVID-19 VACCINES SA WORKERS PAGKUHA NG BAKUNA KONTRA COVID-19 DAPAT MAS PAG-IBAYUHIN