(Aprubado na ng DTI) DAGDAG-PRESYO SA ILANG BASIC GOODS

PINAYAGAN na ng Department of Trade and Industry (DTI) ang pagtataas ng hanggang P2.25 sa presyo ng ilang basic goods sa ilalim ng bagong suggested retail price (SRP) list.

Kabilang sa mga nagtaas ang presyo ang mga de latang sardinas na nagpatupad ng dagdag na 75 mula 50 centavos; gatas na kondesada, P1.25 mula sa 50 centavos; at powdered milk, P1.35 mula sa 50 centavos.

Nagmahal din ang coffee refill ng 60 centavos; 3-in-1 coffee, 50 centavos; instant noodles, 25 centavos at iodized salt, P2.25 mula sa P1.40.

Sumirit naman ng piso ang SRP sa detergent; de latang karne, P2 mula sa 75 centavos; at 50 centavos sa suka.

Wala namang paggalaw sa presyo ng tinapay, bottled water, kandila, sabong panligo  at baterya.

Samantala, inalmahan ni Laban Konsyumer President Victorio Mario Dimagiba ang panibagong price increase at iginiit na hindi ito napapanahon ngayong butas ang bulsa ng mga mamamayan dahil sa epekto ng pandemya. DREW NACINO

Related posts:

(Aprub na sa DTI) TAAS-PRESYO SA BASIC GOODS (Aprub sa DTI) SRP HIKE SA 73 BASIC, PRIME GOODS (Aprub sa DTI) SRP HIKE SA 82 BASIC, PRIME GOODS (‘Di sakop ng SRP) PRICE HIKE SA ILANG BASIC GOODS TULOY (Hanggang sa Disyembre) WALANG PAGTAAS SA PRESYO NG BASIC GOODS (SRP ‘di nasusunod sa ilang pamilihan – DA) PRESYO NG BILIHIN BANTAYAN (Iniutos ng DTI) BUYING LIMIT SA ILAN PANG BASIC GOODS BASIC GOODS BALIK NA SA SRP