MARCH 2020 next year ay posibleng magsimula nang makapanood ng mga local 
comedy channel na tatawaging “BuKo” na kung saan magko-collaboration ang APT Entertainment at Cignal TV. Dito ay muling mapanonood ang mga comedy show, tulad ng “Iskul Bukol”, “LokoMoKoU” at ilan pang mga kilalang Eat Bulaga segment pero may bagong touch.
Magsasamang puwersa ang Cignal at APT Entertainment at kamakailan nga ay nagpirmahan na sila ng kontrata kaya wala nang makakapigil pa sa kanilang binabalak next year.
Ang kahulugan ng BuKo channel ay Buhay Komedya. Napansin daw kasi ng pinagsanib na Cignal at APT na ang mga millennials ay mahilig sa throw back.
Sinisiguro naman ni Direk Mike Tuviera na ang longest running noontime show na Eat Bulaga ay mapanonood pa rin sa GMA 7.
Ang kinumpirma ni direk Mike na magtatapos sa Kapuso Network ay ang Sunday Pinasaya at baka last Sunday raw ng December ito huling masisilayan o mapanonood sa TV. At paglilinaw rin ni Direk Mike na wala raw kinalaman dito ang Cignal.
In fairness sa GMA 7 ay naging patas naman sila dahil tinapos nila ang kontrata at hindi sila iniwan sa ere.
UNANG HIRIT RHEA SANTOS MUNTIK MAPAUWI SA PINAS
NATATANDAAN ninyo si Rhea Santos, ang former host ng Unang Hirit na nag-
resign na bilang host at newscaster sa GMA 7 dahil maninirahan na siya at kanyang pamilya sa Canada.
Nagkaroon siya ng malaking problema habang nasa Canada dahil wala siyang study visa. At dahil dito ay muntik na siyang mapauwi ng Pinas.
Sa kanyang vlog na “Your Morning Girl Rhea, kinuwento niya ang kanyang naging problema sa study visa.
“Alam ninyo bang muntik na kong umuwi? School started, first week of September but I wasn’t able to attend school for two weeks because I didn’t have my study visa. That`s why I cannot get my study permit. If I don’t make it to the deadline, I will be withdrawn for the course.”
Isama pa ang problema nila sa passport na that time ay nasa Case Processing Centre in Ottawa for visa stamping.
Nang dumating daw sila sa Canada Border Services, kailangan isuko nila ang kanilang mga pasaporte at ibabalik din ito sa kanila.
Ipinagdasal daw nila na maibalik agad ang kanilang passport para makapagsimula na sila ng bagong buhay sa Canada.
“I told them, let`s pray over the mailbox. Sabi namin, Lord sana dumating na kasi ‘yung deadline malapit. You can just imagine kung paano kami nagsisigaw sa tuwa when he showed us our passports. So yes, that officially started our lives here in Canada.”
Ang isa kasi sa mga dahilan kung bakit nag-relocate si Rhea sa Canada at iwanan ang kanyang career as broadcast journalist sa GMA 7 ay para ma-secure ang future ng kanyang mga anak at makapag-aral ng Online Journalism sa British Columbia Institute of Technology.
Comments are closed.