KALILIPAT lang ni Vic Manuel sa NorthPort Batang Pier kasama si Michael Calisaan kapalit ni Sean Anthony papuntang Phoenix Super LPG Fuel Masters.
Dagdag pa si sophomore Sean Manganti at ang 2021 2nd round draft pick
Hindi pa nag-iinit ang puwet ni Manuel sa Batang Pier ay na-trade naman siya agad sa San Miguel Beer kapalit ni Arwind Santos.
Si Santos ay napili ng Air21 Express sa first round at 2nd over all pick sa 2006 annual draft.
Nanalo siya ng siyam na kampeonato, kasama na rito ang sa mother team niyang SMB.
Itinanghal si Arwind bilang MVP noong 2013 at Finals MVP noong 2011 Governors’ Cup at 2015 Philippine Cup.
Ang tanong, hindi kaya matutulog lang ng ilang gabi si Vic sa Beermen at pagkatapos ay lilipat ito sa Ginebra? Abangan natin iyan. ‘Di imposibleng mangyari ‘yan.
vvv
Laking pasasalamat ni James Yap sa management ng Rain or Shine Elasto Painters na todo-suporta sa kanyang kandidatura sa eleksiyon sa susunod na taon.
Sinabihan siya ng management na mag- focus sa kanyang pagtakbo bilang councilor sa San Juan City at huwag munang intindihin ang paglalaro.
Malamang ay pabalik na sa bansa si Yap dahil sabi niya nang umalis siya ay 20 days lang siya sa Italy para makasama ang kanyang pamilya.
Good luck, James!
vvv
Naku, baka hindi magtagal sa bahay ni kuya itong si volleyball star Alyssa Valdez. Kamakailan lang ay nagkasakit sa loob ng bahay ni kuya si Valdez. Mukhang hindi sanay ang volleyball player na walang ginagawa sa loob ng bahay.
Ang nakatutuwa lang ay todo-suporta sa kanya ang kanyang mga supporter na panay ang pagpapadala ng stars sa kanya. Ibig sabihin lang ay maraming nagmamahal sa Creamline player.
