CALOOCAN CITY – ARESTADO ang tatlong hinihinalang sangkot sa ilegal na droga kabilang ang isang dating pulis sa ikinasang buy bust operation ng mga pulis.
Kinilala ni Caloocan Police Station Drug Enforcement Unit (SDEU) Head PCPT Deo Cabildo ang mga naarestong suspek na si Leo Castillo alyas “Bong”, 45, AWOL Police Officer, Aurea Raod, 43, at Leopoldo Canibel alyas “Loloy”, 30, tricycle driver ng Brgy. Sta. Maria, Bulacan.
Ayon kay PCPT Cabildo, dakong alas-2:10 ng madaling araw nang ikasa ng mga operatiba ng SDEU sa pangunguna ni PCPT John David Chua ang buy bust operation kontra kay Castillo at Raod sa Block 27 Lot 20 Perseeus St., Celerino, Brgy. 173.
Matapos iabot ng mga suspek ang isang sachet ng shabu kay PCpl Christopher Mamales na nagpanggap na buyer kapalit ng P200 marked money agad lumusob ang back-up na mga operatiba saka inaresto si Castillo at Raod.
Nadakip din si Canibel matapos maaktuhang nakikipagtransaksiyon ng droga kay Castillo. Narekober sa mga suspek ang anim na plastic sachets ng hinihinalang shabu, buy bust money at coin purse. EVELYN GARCIA
Related posts:
SUSPENDIDONG PULIS TIMBOG SA BUY BUST
163K PULIS MAGBABANTAY SA BSK ELECTIONS
800 PULIS PUMOSTE SA SC HALL PARA ISEKYUR ANG MGA RALIYISTA
P6-B PARA SA MGA KOMANDER NG PULIS
HEPE NG PULIS NA MISSING IN ACTION SINIBAK
674 PULIS INASUNTO VS HR VIOLATIONS
PULIS KULONG SA PANUNUTOK NG BOGA SA LOLO
BEBOT KALABOSO SA PANUNUHOL SA PULIS
Comments are closed.