QUEZON CITY – NADAKIP ng mga tauhan ng Quezon City Police District (QCPD) sa ilalim ng pamumuno ni Director, Police Brigadier General Joselito Esquivel Jr., ang isang absent without official leave (AWOL) na pulis matapos ikasa ng mga tauhan ng QCPD ang anti-illegal drugs at anti-criminality operations sa Quezon City.
Kinilala ito ni Esquivel na si Police Corporal (PCpl) Ramiro Estacio alyas Memel, 47-anyos.
Ang suspek na naaresto ay dating pumasok sa pagpupulis noong 1997 at na-assign sa Manila Police District (MPD) bago pa man ito malipat sa Quezon City Police District (QCPD) ng Project 4 Police Station (PS 8) kung saan ito ay nag-AWOL.
Si Estacio ay naaresto sa Galas Police Station (PS 11) sa ilalim ni PLTCOL Carlito Mantala, kasama ang kapatid nito na si Crisanto Estacio, alyas Niño, 44, at Jose Guya, alyas Joey, 45-anyos.
Ang batang Estacio ay kabilang sa Police Station 11 drugs watchlist at iniulat ng isang concerned citizen sa kanilang illegal drug activity.
Matapos itong beripikahin ay naaktuhan pa ang mga ito na gumagamit ng shabu sa isang session.
Nakuha naman mula sa mga suspek ang pakete ng hinihinalang shabu at isa pang bukas na sachet ng naturang droga, aluminum foil strips na may bakas pa ng pinaggamitan ng shabu, improvised tooter at dalawang disposable lighter.
Haharap ang mga suspek na naaresto sa kasong paglabag na may kaugnayan sa Republic Act RA 9165 o ang comprehensive Drugs Act ng taong 2002. PAULA ANTOLIN
Related posts:
PULIS-METRO POSITIBO SA DROGA
PAGKAKASANGKOT NG 357 PULIS SA DROGA PINAIIMBESTIGAHAN
PULIS NA SANGKOT SA DROGA PINAGRERETIRO NA NI GAMBOA
2 PULIS NCRPO POSITIBO SA DROGA
MGA PULIS NA RUMESPONDE SA TUPADA NAKASABAT NG DROGA
163K PULIS MAGBABANTAY SA BSK ELECTIONS
800 PULIS PUMOSTE SA SC HALL PARA ISEKYUR ANG MGA RALIYISTA
P6-B PARA SA MGA KOMANDER NG PULIS
Comments are closed.