PARA mawala ang kultura ng pagiging pala-asa sa ayuda ng gobyerno, oobligahin na ng Department of Social Welfare and Development (DSWD) ang mga benepisyaryo ng P40-B food stamp program na magtrabaho.
Ayon kay DSWD Undersecretary Eduardo Punay, hihingian nila ang 1M benepisyaryo ng mga certificate mula sa Department of Labor and Employment (DOLE) at Technical Education and Skills Development Authority (TESDA) bilang patunay na gumagawa sila ng paraan para magkaroon ng trabaho.
Magbibigay, aniya, sila ng subsidiya sa pagkain kada araw para magamit ng mga benepisyaryo ang matitipid na pera para sa transportasyon o sa mga training habang naghahanap sila ng trabaho.
Ipinunto ni Usec. Punay na sa ganitong paraan ay mababawasan ang kultura ng pagiging palaasa ng mga benepisyaryo sa tulong mula sa gobyerno.
Kabilang sa mga programa ng DOLE ay ang palagiang job fairs at ang Tulong Panghanapbuhay sa Ating Disadvantaged/Displaced Workers (TUPAD) program.
Ilan naman sa programa ng TESDA na maaaring lahukan ng mga benepisyaryo ang Vocational at Skills Training para sa mga hindi makapag-aral sa kolehiyo at requirements sa trabaho.
-DWIZ 882
Related posts:
TRABAHO PARA SA REFORMED DRUG USERS
(DSWD aminado) P3K FOOD STAMP HINDI SAPAT
(Sa subsidy programs ng DSWD, DOLE) PONDO NG NTF-ELCAC IPINALILIPAT
NEGOSYANTENG NAWALAN NG KITA DAHIL SA PANDEMYA, MULING NAGKANEGOSYO MATAPOS MAGSANAY SA TESDA
(Kabilang ang tulong panghanapbuhay) SERBISYO NG DOLE SA WORKERS TULOY
(Beneficiaries nagreklamo) ANOMALYA SA PAMAMAHAGI TUPAD PROGRAM NG DOLE
(Puwedeng ihirit ng maliliit na negosyo) MINIMUM WAGE HIKE EXEMPTION
(Kasado na sa 13 rehiyon) WAGE HIKE SA KASAMBAHAYS