ITINALAGA kahapon ni Pangulong Rodrigo Duterte si Colonel Jesus Durante bilang bagong commander ng Presidential Security Group (PSG).
Papalitan ni Durante si Brigadier.General Jose Eriel Niembra na magsisilbi namang brigade commander ng 701st Brigade ng Philippine Army.
Si Durante na miyembro ng Philippine Military Academy “Tanglaw Diwa” Class 1992 na kasalukuyang commanding officer ng Presidential escorts ni Pangulong Duterte ang ikaapat na PSG commander sa ilalim ng administrasyong Duterte.
Si Niembra na miyembro ng Philippine Military Academy Class 1991 ay itinatalagang PSG commander noong Mayo 2019.
Nakatakdang ganapin mamayang hapon ang change of command ceremony sa PSG compound sa Malakanyang. EVELYN QUIROZ
