SERYOSO ang Games and Amusements Board (GAB) sa paglaban sa anumang uri ng game-fixing sa professional sports. At sa mga magtatangka, huwag ninyong subukan at tiyak na sa kangkungan kayo pupulutin.
Ito ang masakit na katotohanan na gumising sa isang coach at 19 na players na naglaro sa inaugural season ng VisMin Pilipinas Super Cup Visayas leg matapos ipatupad ng GAB – ang ahensiya ng pamahalaan na nangangasiwa at nagpapatupad ng regulasyon sa pro sports sa bansa – ang pagbawi sa kanilang pro license at pagbabawal na makapaglaro sa anumang professional league sa bansa.
“After a careful and judicious evaluation of the case, the Board has decided to impose penalties on 19 VisMin players to serve as a deterrent,” pahayag ni GAB Chairman Baham Mitra sa opisyal na resolusyon ng GAB bago ang Bagong Taon.
Bukod sa kasong kriminal na kasalukuyang nakasampa sa Department of Justice, masinsing inimbestigahan ng GAB, sa pamamagitan ng Anti-Illegal Gambling Unit at Legal Devision — ang isyu ng game-fixing sa laro sa pagitan ng Siquijor Mystics at ARQ Lapu-Lapu Builders nitong Abril sa VisMin Super Cup sa Alcantara, Cebu.
Nauna nang naghain ng resolution ang GAB Board nitong Setyembre para bawiin ang lisensiya nina Siquijor Mystics head coach Joel Palapal at players Jan Cedric Penaflor, Michael John Calomot, Frederick Rodriguez, Gene Belleza, Jopet Quiro, Isagani Gooc, Juan Andre Aspiras, Desmore Joshua Alcober at Vincent Tangca.
Sinuspinde naman ng anim na buwan sina ARQ Builders head coach Francis Auquico at players Rendell Senining, Reed Juntilla, at Jercules Tangkay. Binigyan naman ng tig-tatlong buwan na suspension ang iba pang ARQ players na sina Dawn Ochea, Franz Arong, at Ferdinand Lusdoc gayundin ang mga coach na sina Jerry Abuyabor at Alex Cainglet.
“We want to remind everyone that game-fixing is never okay. We have a law penalizing game-fixing and point-shaving, and GAB is always ready to eradicate, if not eliminate, this kind of illegal practice in professional sports,” pahayag ni Mitra.
Naglabas din ng desisyon ang VisMin Cup para patalsikin sa liga ang Siquior Team, at banned na muling makalaro ang mga sangkot na players.
Naging maagap din ang katatapos lamang na MPBL Invitational nang alisin ang mga player na blacklisted sa GAB. EDWIN ROLLON
Related posts:
GAB 3RD PRO SPORTS SUMMIT LALARGA NA
DAGDAG-BUDGET SA PSC AT GAB NA-PAPANAHON
NBA MAS MAGHIHIGPIT NA SA PLAYERS
JAO SA PRO SPORTS WALA NANG SAYSAY — GAB
GAB: TIGIL MUNA ANG CONTACT PRO SPORTS
GAB HANDANG TUMULONG SA US VISA NI ORCOLLO
NATURALIZED PLAYERS PUWEDENG MAGING PBA IMPORTS
WBA TUMUGON SA HINAING NG GAB