LAGUNA – NAGSASAGAWA ng Rescue and Retrieval Operation ang mga kagawad ng Public Office and Safety Order (POSO), Coast Guard at pulisya sa bahagi ng Lawa ng Laguna para sa isa pang nawawalang mangingisda makaraang tumaob ang sinasakyang bangka sa Bgy. Linga, lungsod ng Calamba.
Sa inisyal na ulat ni POSO Chief Jeffrey Rodriguez, pasado ala- 1 ng hapon nitong Linggo ay aksidenteng tumaob sa mismong gitna ng laot ang sinasakyang bangka ng mga mangingisda kung saan nasagip ang lima na nakilalang sina Florante Obciara, 50- anyos, bangkero ng Bgy. Looc; Mervin Villiapano, 35-anyos ng Bgy. Pansol; Polinar Casipit, 25-anyos ng Bgy. Looc; Zaaurie Denver Norte, 11-anyos; James Christopher Columbres, 32anyos at ang isang nawawala pa na si James Bryan Laude, 32-anyos, pawang mga residente ng Bgy. Paciano, lungsod na ito.
Sinasabing nagkayayaan ang mga ito na mangisda sa laot nang hindi inaasahang biglang lumakas ang alon at hindi umano nakayanang kontrolin ng Obciara ang bangkay kaya’t bigla itong tumaob.
Makaraan ang mahigit na isang oras, magkakasunod na nasagip ng nakatalagang Coast Guard at nagrespondeng kagawad ng POSO ang lima habang si Laude ay patuloy pa rin pinaghahanap na hinihinalang nilamon ng malakas na alon ng tubig. DICK GARAY
Related posts:
BANGKA NA MAY LULANG BANGKAY LUMUBOG, 1 MISSING
3 BANGKA PINATAOB NI HABAGAT, 25 NILAMON NG DAGAT
BANGKA NAGKAABERYA, 8 KATAO NASAGIP NG PHIL. COAST GUARD
54 KATAO NA SAKAY NG ‘ITINAKAS’ NA BANGKA KINASUHAN
22 MARINO NA-RESCUE SA SUMABOG NA BANGKA
BANGKA TUMAOB, 4 MANGINGISDA NAWAWALA
BANGKANG GINAGAMIT SA ILLEGAL FISHING NASABAT
Comments are closed.