ISABELA – NAGHAIN ng reklamo ang mga residente sa Barangay Marabulig Uno, Cauayan City makaraang salakayin ng libo libong langaw mula sa isang poultry farm ang kanilang kabahayan.
Sa pahayag nina Jenelyn David, at Juliebeth Deleona ng Purok 4, hindi na umano normal ang oras ng kanilang pagkain dahil sa dami ng langaw mapa-araw man at gabi ay binubugaw na lamang nila para umalis ang mga ito.
Nabatid na nagmumula ang mga langaw sa poultry farm na pag-aari ni Alex Ty, kung saan isang linggo na silang kumakain sa loob ng kulambo.
Aniya, aabutin pa umano ng isang buwan ang itinatagal nito matapos ang pagha-harvest ng mga manok sa nasabing poultry farm.
Kapag nagsimulang mag-harvest ng mga manok ay nagsasara na sila ng bintana para maiwasan ang pagpasok ng libong langaw pero may nakakapapasok pa rin.
Nakarating na sa kaalaman ni Barangay Chairman Jaimie Partido ang reklamo ng mga residente kung saan inaksiyunan naman nila ito. IRENE GONZALES
Related posts:
MGA OPISYAL NG BARANGAY SA BULACAN KUMILOS KONTRA DROGA
MGA PROYEKTO NG BARANGAY AT SK MAISASAKATUPARAN
800 OPISYAL NG BRGY. KINILALA SA IKA-19 GAWAD GALING BARANGAY SA BULACAN
DILG OK SA P1-M PREMYO SA MALINIS NA BARANGAY
50 BARANGAY NG GATTARAN ‘’PERSONA NON GRATA’’ VS NPA
5 BARANGAY SA C. MINDANAO BINAHA
5 BARANGAY SA ANTIPOLO CITY NAKA-LOCKDOWN
Comments are closed.