BARRETTO SIBLINGS NAGLULUKSA SA PAGPANAW NG KANILANG AMA

SA Instagram account ni Claudine Barretto nalaman ng lahat na pumanaw  na ang kanyang  ama  na mahigit isang linggo nang nasa hospital.

Sa  short video  na ipinost ni Claudine, nakapa­ligid  sila (Barretto family) sa kama ng kanyang ama  na tila kapapanaw lang.

“We  luv  u Dad,” caption  niya sa kanyang IG story ay ipinost din niya ang mga katagang, “never  knew  I  could  hurt  like this. Goodbye Dad.”

Bago yumao ang kanyang ama ay nag-viral pa sa internet ang mga larawan ni Claudine at Marjorie  na magkasama at nasa isang family meeting.

Open naman sa publiko na may hindi pagkakaunawaan  sina Claudine at Marjorie kaya  marami ang natuwa na makitang magkasama  silang dalawa.

May lumabas ding larawan na magkausap  sina Claudine at Julia Barretto, ang anak ni Marjorie, habang  nasa ospital na ikinatuwa muli ng maraming  netizens.

Sa pagpanaw ng kanilang ama ay marami ang umaasa  na sana  raw ay matuldukan na ang alitan ng magkakapatid na Barretto.

Condolence po sa pamilya Barretto.

TATAY NI MICHAEL V YUMAO NA RIN

LAST Monday, October 14,  ay  pumanaw naman ang ama ni Michael V na si Cesar Felix Bunagan. Ibinahagi ni Michael sa IG ang kanyang pagdadalamhati  kung saan makikita  ang kamay nilang  dalawa ng ama na magkahawak  na may caption na:

“Almighty and merciful God, who  hast bestowed  upon mankind  saving  remedies and the gift  of everlasting life, look  graciously  upon us Thy servants and comfort  the souls  which Thou  hast made, that, in  the hour of their  passing, cleaned  from all stain of  sin, they may deserve  to be presented  to Thee, their  Creator, by the hands of the holy  angels, through Jesus Christ  our  Lord. Amen.”

Hindi na idinetalye ni Michael  kung ano ang sanhi ng pagkamatay ng  kanyang  ama. Matatandaang kamakailan lang ay humingi ng dasal ito sa kanyang mga kaibigan at fan para gumaling ang kanyang ama.

Noong unang Linggo ng October ay mayroon din siyang ibinahagi kung saan kamay ulit nila ng kanyang ama na may caption na “holding on.”

Three days bago pumanaw ang ama ni Michael ay nagbahagi pa si Michael ng family picture nila na kung saan malakas pa ang kalagayan ng ama. Bumuhos naman sa social media ang pakikiramay ng mga artista at fan ng comedian/actor/director. Lahat ng  kasamahan  niya sa Bubble Gang ay nagbigay suporta at pagdadalamhati sa kalagayan ngayon ni Michael V.