BATANG PIER NANALASA

Mga laro bukas:

Ynares Sports Arena

3 p.m. – Ginebra vs Blackwater

6 p.m. – San Miguel vs NLEX

NAITALA ng NorthPort Batang Pier ang kanilang unang panalo sa 2021 PBA Philippine Cup nang tambakan ang Phoenix Super LPG Fuel Masters, 115-79, kahapon sa Ynares Sports Arena sa Pasig City.

Limang players ng Batang Pier ang umiskor ng double-digits.

Nagbuhos si Robert Bolick ng 20 points, 11 assists, at 7 rebounds, habang naipasok ni rookie center Troy Rike ang anim sa kanyang  pitong three-pointers tungo sa 20 points. Tumipa si Jamie Malonzo, ang kanilang second overall pick sa Rookie Draft, ng 15 points at kumalawit ng 8 rebounds.

Tinapos ng Batang Pier ang first half na abante ng 19 points at ipinagpatuloy ng tropa ni coach Pido Jarencio ang kanilang mainit na shooting sa second half.

Na-outscore nila ang  Fuel Masters, 29-20, sa third canto upang itarak ang 79-51 kalamangan.

Nagpasabog ang Batang Pier, naglaro na wala si big man Greg Slaughter, ng 36 points sa final canto mula sa limang three-pointers nina Bolick, Rike, at Sidney Onwibere upang selyuhan ang panalo.

Nanguna sina Vic Manuel at Matthew Wright para sa Phoenix na may 26 at 15 points, ayon sa pagka-kasunod. habang nagdagdag si Jason Perkins ng 12 points at 7 rebounds.

Bumuslo ang Batang Pier ng 50% mula sa field, kabilang ang mainit na 44% sa three-point area.

Ang kanilang winning margin na 36 points ang pinakamalaki sa kasaysayan ng franchise.

Umangat ang NorthPort sa 1-1 habang nahulog ang Phoenix sa 0-2 CLYDE MARIANO

Iskor:

NorthPort (115) – Bolick 20, Rike 20, Ferrer 20, Onwubere 15, Malonzo 15, Taha 12, Elorde 6, Faundo 4, Balanza 3, Subido 0, Doliguez 0, Grey 0.

Phoenix (79) – Manuel 26, Wright 15, Perkins 12, Jazul 8, Garcia 6, Melecio 4, Demusis 2, Chua 2, Pascual 2, Rios 2, Faundo 0, Muyang 0, Calisaan 0, Napoles 0, Tamsi 0.

QS: 22-18, 50-31, 79-51, 115-79.