HINILING ni Senador Christopher ‘Bong’ Go sa kapwa nito mambabatas at mga kinauukulang ahensiya ng pamahalaan at maging ang iba pang stakeholders na rebyuhin ang mga batas kaugnay sa concern ng overseas Filipino workers (OFWs) sa dagdag sa premium contributions.
Sa kanyang opening statement sa Joint Congressional Oversight Committee kaugnay sa Universal Health Care Law, sinabi ni Go na kailangan ng bansa na masiguro ang funding na bubuhay sa programa para sa healthcare ng mga tao.
Gayunpaman, iginiit ni Go na kailangan ding ikonsidera ang krisis na nararanasan ng buong mundo dahil sa COVID-19 pandemic.
Ipinaliwanag ni Go na maraming paying members tulad ng mga OFW ang hindi kayang magbayad ng mataas na premi-ums ngayon dahil sa krisis bunsod ng mga nagsarang trabaho.
Dagdag ni Go, ito ang dahilan kaya ipinag-utos ni Pangulong Rodrigo Duterte na gawin muna itong voluntary dahil sa sitwasyon ngayon.
Dapat aniya munang mag-focus ang lahat kung paanong matutulungan ang mga kababayang nangangailangan dahil sa COVID-19 crisis.
Sa nasabing hearing din tinanong ni Go ang PhilHealth kung anong mga hakbang na ang nagawa ng mga ito kasunod ng direktiba ni Pangulong Duterte kung saan tiniyak ng presidente nitong si Ricardo Morales na nakapag-isyu na sila ng advisory para masigurong voluntary ang pagbabayad ng premiums. VICKY CERVALES
Related posts:
335 OFWs POSITIBO SA COVID-19
TULONG SA OFWs NA NAGBALIK BANSA PINA-TITIYAK
253 OFWs BALIK-BANSA
(Napauwi sa kani-kanilang probinsiya) BAGONG PROTOCOL SA OFWs at LSIs
OFWs NA NASAWI SA COVID-19 IKE-CREMATE- DOH
(OFWs natetengga) DAGDAG NA TESTING BOOTH SA NAIA HINILING
OFWs BIGYAN NG HIGIT NA PROTEKSIYON, BENEPISYO
UNDOCS OFWs SA IRAQ AT IRAN (Unahin sa mga pauuwiin)
Comments are closed.