HINDI na aangkat ang National Food Authority (NFA) ng 330,000 metrics tons ng bigas para sa buffer stock nito.
Ito ang nilinaw ng Department of Agriculture (DA) matapos umani ng batikos ang ikinakasang importasyon ng NFA dahil lalabagin nito ang Rice Tariffication Law.
Kinumpirma ni Agriculture Undersecretary Mercedita Sombilla na sa halip na umangkat, inabisuhan nila ang NFA na bumili sa local farmers.
Tiniyak din ni Usec. Sombilla sa mga consumer na may sapat na suplay ng bigas hanggang katapusan ng taon.
Bagaman papasok ang lean months sa ikatlong quarter ng taon, inaasahang madaragdagan ang suplay dahil sa pagsisimula ng anihan sa ika-apat na quarter o simula Oktubre.
Tatagal naman, aniya, ng 45 araw ang total supply pagsapit ng katapusan ng taon, kabilang ang inangkat ng pribadong sektor.
Samantala, itinanggi ng opisyal ang mga ulat na tataas pa ng P6 ang kada kilo ng bigas dahil sa katunayan ay nagsimula na aniyang bumaba ang presyo nito sa world market.
DWIZ 882
Related posts:
PANAWAGAN SA FOOD ESTABLISHMENTS: ANI NG LOCAL FARMERS BILHIN
BAGONG SRP SA AGRI PRODUCTS INILABAS NG DA
FARM GATE PRICE NG BABOY, MANOK BUMABA
(Initial assessment ng DA)P141.38-M PINSALA SA AGRI NI ‘KARDING’
(Sa 6 na lugar na labis na napinsala ni ‘Karding’)PRICE FREEZE SA PANGUNAHING BILIHIN
(‘Di na ibebenta sa Kadiwa)SMUGGLED ONIONS ‘DI LIGTAS KAININ LIGTAS KAININ
(Babala ng DA)MAGBEBENTA NG SMUGGLED ONIONS KAKASUHAN
(DA walang planong umangkat)PRESYO NG SIBUYAS P500 NA KADA KILO