TATALAKAYIN ng Philippine Blu Boys ang kanilang tsansa laban sa pinakamahuhusay sa mundo sa Men’s Softball World Cup sa kanilang pagbisita sa online Philippine Sportswriters Association (PSA) Forum ngayong Martes.
Bibisita sina head coach Apol Rosales, first baseman Julius Diaz, at pitcher Julius Dela Cruz sa weekly sports program upang talakayin ang nalalapit na torneo na gaganapin sa New Zealand simula sa Nov. 27.
Magsisimula ang session sa alas-10 ng umaga.
Itinataguyod ng San Miguel Corporation (SMC), MILO, Philippine Sports Commission, Philippine Olympic Committee, Amelie Hotel Manila, at ng Philippine Amusement and Gaming Corporation (PAGCOR), ang weekly Forum ay naka-livestream via PSA Facebook page fb.com/PhilippineSportswritersAssociation at mapakikinggan sa delayed basis sa Radyo Pilipinas 2, na isini-share din ito sa kanilang iofficial Facebook page.
