NAKAALERTO ang mga tauhan ng Bureau of Customs (BOC) sa mga pantalan bilang paghahanda upang hindi makapasok ang mga imported na karne na kontaminado ng swine flu virus.
Mahigpit na ipinag-utos ni Customs Commissioner Rey Leonardo Guerrero na bantayan ang mga border upang maprotektahan ang bansa at walang makapasok na karne galing sa mga bansang mayroon swine flu virus.
Pinamo-monitor din ang mga pumapasok na agricultural at iba pang food items at seguruhin na dumadaan sa tamang procedures ang mga ito.
Inalerto ang mga tauhan ng Quarantine Officers ng Bureau of Animal Industry (BAI), Bureau of Plant Industry (BPI), at Bureau of Fisheries and Aquatic Resources (BFAR), na kailangang dumaan sa initial examination ng Department of Agriculture (DA), at BOC examiners ang mga produkto.
Matapos ang initial examination sa mga reefer container ay pinatitiyak na may selyo ito ng BAI at dumaan sa 100% examination ng National Meat Inspection Service na accredited ng storage warehouse. FROI MORALLOS
Related posts:
MGA SUSPEK SA ILLEGAL SALE SA SEIZED ITEMS NG BOC TIMBOG
TRAVELERS MULING PINAALALAHANAN NG BOC
GADGETS NA GAMIT SA BLENDED LEARNING IDO-DONATE NG BOC
PARCEL SCAM IBINABALA NG BOC
IMPORTED ITEMS NASABAT NG BOC SA NAIA
BOC SA NAIA NAKAALERTO SA PAGDATING NG COVID-19
6 LUXURY CARS SINUBASTA NG BOC
(May dalang prohibited used oil) PAG-FORFEIT NG BOC SA BARGE KINATIGAN NG SC
Comments are closed.