ISANG araw bago opisyal na magsimula ang May 2019 election period ay sinibak ng pamunuan ng PNP PRO 7 ang buong puwersa ng Daanbantayan Police Station sa Cebu kabilang na ang hepe nila dahil sa katamaran.
Ayon kay Chief Supt. Debold Sinas, director ng PRO-7, tinanggal sa puwesto ang 21 pulis ng Daanbantayan kabilang ang kanilang chief of police.
Sa ulat ginawa ang pagtanggal sa mga miyembro ng Daanbantayan Police dahil sa kanilang low performance particular sa anti illegal drug campaign.
Dahil umano sa loob ng isang taon, nasa 11 operasyon lamang ang naisagawa ng naturang police station.
Bagaman hindi lang aniya ang Daanbantayan Police ang mayroong kaunting operasyon, inaasahan ng PRO-7 na mas marami pa ang nagawa ng estasyon.
Nasa 28 na pulis mula sa Regional Mobile Force Battalion ang pumalit sa mga tinanggal na pulis at itinalaga si Chief Insp. William Jonoc bilang bagong hepe ng estasyon.
Isinailalim din sa drug test ang mga sinibak na pulis bago sila italaga sa ibang assignment. VERLIN RUIZ
Related posts:
163K PULIS MAGBABANTAY SA BSK ELECTIONS
800 PULIS PUMOSTE SA SC HALL PARA ISEKYUR ANG MGA RALIYISTA
P6-B PARA SA MGA KOMANDER NG PULIS
HEPE NG PULIS NA MISSING IN ACTION SINIBAK
674 PULIS INASUNTO VS HR VIOLATIONS
PULIS KULONG SA PANUNUTOK NG BOGA SA LOLO
BEBOT KALABOSO SA PANUNUHOL SA PULIS
PULIS-MAKATI UMAYAW SA SUHOL
Comments are closed.