INIIMBESTIGAHAN na ng Department of Health (DOH) ang katotohanan hinggil sa napaulat na “bribery” o panunuhol ng ilang mga manufacturer ng COVID-19 vaccine sa ibang bansa.
Kasunod ito ng ulat ng Washington Post na may rekord umano ang Sinovac ng bribery sa regulatory bodies upang mapabilis ang approval o pag-apruba sa produkto nito gaya ng mga bakuna.
Nabatid na ang Sinovac ay isa sa mga pharmaceutical firms na ikinokonsidera ng Filipinas para magsuplay ng COVID-19 vaccines.
Ayon kay Health Secretary Francisco Duque III, batid ng DOH ang naturang ulat laban sa Sinovac, ngunit tiniyak na hindi mabibiktima ang Filipinas.
Sakali aniyang totoo ang balita, ay may ginagawa ng mga aksiyon ang pamahalaan, kabilang na rito ang imbestigasyon at validation ng vaccine expert panel upang mabatid kung totoo ang alegasyon laban sa Sinovac.
Sinabi ni Duque na ang vaccine expert panel maging ang Food and Drug Administration (FDA) ay maglalabas ng final report.
Magagamit aniya nila ito upang matiyak na hindi makalulusot ang anumang uri ng maling gawain o mabiktima ang ating bansa sakaling mapapatunayan ang mga kuwestiyonableng transaksiyon, gaya ng akusasyon sa Sinovac. ANA ROSARIO HERNANDEZ
Related posts:
(Babala ng DOH) MAG-INGAT SA PAGBILI NG COVID VACCINE
(‘Wag i-single out sa pagkalat ng virus–DOH) HOT POT RESTO SA COVID-19
DOH DIRECTOR MAY COVID
COVID TESTING LAB NASA 75
HOSPITAL BED CAPACITY ITAAS SA 70% (Utos ng DOH parasa COVID patients)
MGA GUMALING SA COVID, 24,502 NA
DOH HOUSE TO HOUSE SA PAGHAHANAP NG MAY COVID
DOH PAG-AARALAN KUNG NA-FLATTEN NA NGA ANG PANDEMIC CURVE
Comments are closed.