HINIKAYAT ng pamunuan ng Commission on Elections (Comelec) ang mga kandidato para sa midterm elections na iwasang magdaos ng mga campaign rally at motorcades sa mga masisikip na lugar sa Metro Manila upang hindi na makadagdag pa sa masikip na daloy ng trapiko.
Ayon kay Comelec Spokesman James Jimenez, dapat na isaalang-alang ng mga kandidato ang kapakanan ng publiko sa panahon ng pangangampanya.
Aniya, mas makabubuti kung huwag harangan ng mga kandidato ang mga makikipot na daanan at iwasang maging abala sa kalsada.
Paalala ni Jimenez, maraming lansangan sa Metro Manila ang masisikip, at halos isang lane na lamang ang nadaraanan dahil may mga nakaparada pang mga sasakyan.
Aminado si Jimenez na hurisdiksiyon ng mga lokal na pamahalaan o traffic bureau ang mga kalsada sa kani-kanilang nasasakupan ngunit umaasa siyang ikokonsidera ng mga kandidato ang apela ng poll body.
Kasalukuyang nagpapatuloy ang kampanya para sa papalapit na May 13 National and Local Elections.
Ang campaign period para sa national elections ay sinimulan noong Pebrero 12 habang Marso 29 naman nang umarangkada ang panahon ng pangangampanya para sa local elections.
Kapwa naman magtatapos sa pangangampanya ang mga ito sa Mayo 11, 2019, o dalawang araw bago ang election day. ANA ROSARIO HERNANDEZ
Related posts:
ANTI-TERRORISM CAMPAIGN, PAIGTINGIN PA
POLITICAL ADS SA SOCIAL MEDIA BAHAGI NG CAMPAIGN EXPENSES
(Bilang campaign expenses) POL ADS SA SOC MED PINAG-AARALAN PA NG COMELEC
2 SUSPEK SA PANGHIHINGI NG CAMPAIGN DONATION ARESTADO
CAMPAIGN PERIOD ARANGKADA NA!
DILG SA MGA KANDIDATO: MAGING MODELO SA PAGSUNOD SA CAMPAIGN RULES
PARUSA SA MAGKAKABIT NG CAMPAIGN MATERIALS SA MGA POSTE
DAOG NA! MAHIGIT 300K DUMALO SA CAMPAIGN RALLY NG BBM-SARA UNITEAM SA CEBU
Comments are closed.