CANCER ASSISTANCE FUND SA MAHIHIRAP

PINAGLALABAS ni Social Services Committee Chairman Alfred Vargas ang Department of Health (DOH) ng guidelines para ma-avail agad ang Cancer Assistance Fund ng mga mahihirap na kababayang maysakit na cancer.

Sa ipinadalang liham ng kongresista kay Health Secretary Francisco Duque III, hiniling nito na bigyan na ng access sa P620 Million na cancer fund ang mga pasyente para sa tuloy-tuloy na gamutan.

Ayon pa kay Vargas, mayakda ng National Integrated Cancer Control Act, malaki ang maitutulong ng maagang paglalabas ng mga alituntunin para sa mabilis na pagkuha ng mga cancer patients ng benepisyo, hindi lamang sa kanilang sarili kundi pati sa kanilang mga pamilya.

Giit ng kongresista, marapat lamang na magamit na ng mga pasyente ang pondo dahil ang pandemya ay naging dagdag pahirap na sa mga cancer patient bukod pa sa vulnerable rin sila na mahawaan ng COVID-19.

Nauna nang kinuwestyon ni Vargas noong October 2020 ang status ng guidelines ng DOH sa pag-avail ng pondo kung saan pansamantala munang inirefer ang mga cancer patients sa Medical Assistance to Indigent Patients para sa kinakailangang tulong pinansyal.

Sa tugon naman ng ahensiya kaugnay sa ipinadalang liham ng kongresista, inihayag ng DOH na kasalukuyan na nilang inaayos ang administrative order para sa paggamit ng pondo. CONDE BATAC

Related posts:

PONDO PARA SA CANCER APRUB SA HOUSE COMMITTEE BATAS PARA SA MGA CANCER PATIENTS, LUSOT NA P46-B ROAD BOARD FUND (Gagamitin ni Duterte sa Kabikulan) P100-M TUPAD FUND PARA SA EX-MORO SPECIAL EDUCATION FUND GAMITIN PARA SA LIGTAS NA PAGBABALIK ESKUWELA SPECIAL EDUC FUND NG LGUs PUWEDENG GAMITIN SA PRINTING NG MODULES P820-M IDINAGDAG SA ATN FUND NG DFA MAHIHIRAP LOLOBO PA SA 20 MILYON