CHA-CHA LUSOT NA SA COMMITTEE LEVEL

PILIPINO Mirror
Senado

LUSOT na sa House Committee on Constitutional Amendments ang itinutulak na Charter Change o pag-amyen­da sa 1987 Constitution.

Sa ilalim ng inaprubahang unnumbered resolution, ihahalal na bilang tandem o nasa iisang ticket ang Presidente at Bise Presidente.

Mula naman sa kasalukuyang anim na taon na may tig-tatlong termino ng mga senador ay inaamyendahan na ito sa tatlong termino na may tig-limang taon na lamang.

Mapapalawig naman ang termino ng mga kongresista at mga local official mula sa tatlong termino na may tig-tatlong taon ay gagawin na itong limang taon na may tig-tatlong termino.

Isinusulong din ang paghalal ng 27 senador o tigtatlo na magmumula sa bawat siyam na rehiyon sa bansa.

Inaamyendahan din ang economic provision sa Saligang Batas na naghihigpit sa foreign ownership sa pagsingit sa katagang “unless otherwise provided by law” na layong luwagan ang dayuhang pamumuhunan sa bansa.

Ayon kay House Committee on Constitutional Amendments Chairman Rufus Rodriguez, posibleng mai­salang na ang Cha-Cha sa plenaryo sa susunod na linggo para umpisahan na ang deliberasyon dito. CONDE BATAC

Related posts:

Cynthia VillarCHA-CHA MALABONG MAIPASA Sen-Cynthia-VillarCHA-CHA DADAAN SA MATINDING KONSULTASYON Alan Peter CayetanoBAKUNA MUNA BAGO CHA-CHA Default ThumbnailCHA-CHA PLEBISCITE ISASABAY SA 2022 PRESIDENTIAL POLLS Joey Sarte SalcedaECONOMIC CHA-CHA SINUPORTAHAN Joey Sarte SalcedaECONOMIC CHA-CHA MAGPAPASOK NG BILYONG PISONG INVESTMENT TRANSITION COMMITTEE NG SANGAY NG EHEKUTIBO HANDA NA SA BAGOMG ADMIN P100 KADA LAGDA NG BOTANTE PARA SA CHA CHA, KINUWESTIYON

Comments are closed.