CHINESE NALUNOD SA BORACAY HABANG NASA SNORKELING ACTIVITY

AKLAN – ISANG Chinese ang nasawi nang malunod habang nasa snorkeling activity sa Coral Garden Snorkeling Area sa Station 1, Barangay Balabag, Boracay.

Kinilala ang nasawing turista na si Liu Ran, 23-anyos, nanunuluyan sa isang resort sa Barangay Yapak, Boracay.

Base sa report ng Malay-Philippine National Police Boracay Sub-Station, bago nangyari ang insidente ay napansin ng isa sa mga kasamahan ng biktima na hinahawakan niya ang kanyang dibdib at tinanong ang nararamdaman, subalit sumagot umano ang dayuhan na walang problema sa kanya.

Makalipas ang ilang minuto, natag­puan ang biktimang nakalutang at naka­taob na sa tubig.

Naisugod pa ito sa ospital subalit idineklarang patay ng attending physician.  AIMEE ANOC