MATUTUNGHAYAN ang special two-part session ng Philippine Sportswriters Association (PSA) Forum ngayong araw kung saan magiging panauhin sina newly-elected International Olympic Committee (IOC) Executive Board member Mikee Cojuangco-Jaworski at Southeast Asian Games gold medal winner Jamie Lim sa webcast edition ng weekly program.
Tatalakayin ni Cojuangco-Jaworski, na siya ring IOC representative to the Philippines, ang epekto sa Philippine sports ng pagkakahirang sa kanya bilang board member ng Olympic body.
Sasamahan naman si Lim, anak ni basketball great Avelino ‘Samboy’ Lim, nina Lester Castillo, Assistant Vice President, Nestle Philippines-MILO; at Richard Lim ng Association for the Advancement of Karatedo upang talakayin ang MILO Home Court, isang online sports program para sa mga kabataan.
Ang special session ay magsisimula sa alas-10 ng umaga.
Ang Forum ay ipalalabas nang live via PSA Facebook page fb.com/PhilippineSportswritersAssociation at isi-share din sa Radyo Pilipinas 2 facebook page.
Comments are closed.