COVID-19 CASES SA MUNDO, 8M NA

SUMAMPA na sa walong milyon ang naitatalang kumpirmadong kaso ng Coronavirus disease (COVID-19) sa buong mundo.

Sa pinakahuling datos, 8,099,768 na ang global cases ng COVID-19.

Sa nasabing bilang, mayroong mahigit 438,000 na ang nasawi habang umabot naman na sa mahigit 4.1 milyon ang naitatalang nakarekober o gumaling na sa sakit.

Mahigit naman sa 3.4 milyon pa ang aktibong kaso kung saan mahigit 54,000 dito ang kritikal ang kondisyon.

Sa nakalipas na magdamag ay mahigit 115,000 ang naitalang bagong kaso ng COVID-19 sa buong mundo at mahigit 3,000 ang naitalang bagong nasawi sa naturang sakit.