NASA $200-million ang inuutang ng Department of Agriculture (DA) mula sa World Bank para pondohan ang Fisheries and Coastal Resiliency (FishCoRe) project nito na layong mapalakas ang fishery production ng bansa.
“The FishCoRe project would directly contribute to achieving key outcomes in the department’s Food Security Framework which is integral to the national goals of recovery and resiliency as we survive, reboot and grow in the wake of the COVID-19 pandemic,” ayon kay Agriculture Secretary William Dar.
Ang loan na tinatayang katumbas ng P10.095 billion ay susuporta sa pagpapaangat at modernisasyon ng fisheries at aquaculture ng bansa, sa pamamagitan ng pagkakaloob ng technical support, capital, at enabling environment.
Ayon sa DA, layon din ng proyekto na maiangat ang socio-economic condition ng coastal communities sa gitna ng COVID-19 pandemic.
Ang proyekto ay ipatutupad sa mga piling lugar sa 12 Fisheries Management Areas (FMAs) na itinayo sa buong bansa noong 2019 ng DA sa pamamagitan ng Bureau of Fisheries and Aquatic Resources (BFAR) upang tuloy-tuloy na mapangasiwaan ang fishery resources ng bansa sa pamamagitan ng science-based at participatory governance framework.
Ang FMAs ay kinabibilangan ng major fishing grounds, lakes, bays, gulfs at iba pang lugar sa bansa.
Related posts:
TSANSA NA MAILIPAT ANG BIRD FLU SA TAO, MALIIT LANG-DA
PAG-UTANG SA IMF AT WORLD BANK, IMINUMUNGKAHI NG ACT-CIS
$500-M PANIBAGONG LOAN NG PINAS PARA SA COVID-19 RESPONSE APRUB SA WORLD BANK
$4.55-B INUTANG NG PINAS PARA SA COVID-19 RESPONSE
DA NAGHAHANDA NA SA TAG-ULAN
HILING SA DA: SAPAT NA PAGKAIN TIYAKIN
WORLD BANK PRESIDENT NAGBITIW
PRESYO NG GULAY WALANG PAGTAAS
Comments are closed.