DAGDAG-HAZARD PAY SA GOV’T WORKERS NA FRONTLINERS VS COVID-19

PABOR si Senador Christopher Bong Go  na mabigyan ng karagdagang hazard pay ang mga government workers na nagtatrabaho habang ipinatutupad ang enhanced community quarantine laban sa COVID-19.

Ipinaliwanag ni Go na ang mga government worker na nagtatrabaho pa rin  sa gitna ng pandemic ay inilalagay ang buhay sa panganib kaya naman na-rarapat na bigyan ng  tamang kompensasyon ang mga ito na siyang  tanging magagawa ng  gobyerno bilang pasasalamat.

Nauna rito, hiniling ni Budget Secretary Wendel Avisado kay Pangulong Rodrigo Duterte na magpalabas ng Administrative Order na magbibigay ka-pangyarihan sa national government  agencies, kabilang  ang  state universities and colleges (SUCs) at  government owned and controlled corporations (GOCCs) pa-ra magkaloob  ng hazard pay na hindi hihigit  sa P500 bawat araw.

Kabilang sa mga puwedeng mabigyan ng hazard pay ang regular, contractual o casual positions, con-tract of service  at job order  workers sa National Capital Region (NCR) at ibang  local government units.

Kaugnay nito, sinabj ni Go na nakarating  na ang panukala kay Pangulong  Duterte at sa tingin niya ay sasang-ayunan ito dahil mahalaga ang kapa-kanan ng mga frontliner.

Dagdag pa niya, ang mga entitled sa hazard pay ay ang mga awtorisadong  mag-report sa trabaho nang personal.

Aminado rin ang senador na hindi mapipilit kung hindi kaya  ng pondo na aabot sa P500  ang hazard pay pero umaasa siyang magagawan ng paraan  para maibigay ito sa lalong madaling panahon.

Iginiit ni Go na hindi biro ang ginagawang sakripisyo ng government workers at iba pang frontliners  dahil sa kabila ng  banta sa kanilang kalusugan at buhay ay pinili nilang  magtrabaho upang hindi mapu-tol ang serbisyo ng pamahalaan sa taumbayan.  VICKY CERVALES