RIZAL – PATAY sa pamamaril ang dalawa katao habang arestado ang isa sa dalawang suspek Sabado ng gabi sa San Mateo.
Kinilala ni Lt. Col. Rodolfo Santiago ll hepe ng San Mateo PNP, ang mga nasawi na sina Romeo Precentacion, 39-anyos at Roel Roxas y, Florencio kapwa residente ng Clemente Santos, Brgy. Dulong Bayan San Mateo.
Samantala arestado naman sa follow-up operations ng awtoridad ang suspek na si Arthur Andrada , 37-anyos, habang pinaghahanap pa target ng hot pursuit ang nakatatandang kapatid nito na si Amante Andrada, 39-anyos kapwa nakatira sa Alberto Birmingham St., Brgy. Guitnang Bayan 1 nabanggit na lugar.
Nabatid na dakong 10:30 ng gabi nang mauwi sa pamamaril ng suspek na si Amante ng makitang nagtatalo ang unang biktima at ang naarestong suspek sa Bankers Avenue, Brgy., Guitnang Bayan.
Ayon sa hepe ng pulisya, na damay lang ang mga nasawi dahil madalàs umano itong makita ng suspek na kasama ng kanilang kaaway.
Dagdag pa ni Lt. Col. Santiago, nagtalo ang suspek at biktima sa isang inuman sa lugar sa construction site.
Isa sa ikinagagalit umano ng mga suspek ang pagtatambak ng mga construction materials ng contractor sa lugar na pinaniniwalaang sagabal sa daanan ng mga akusado.
ELMA MORALES
